دنية ضد
أوضاع زماننا تخض
أفكاره سايحه براح
يا دنيا دنية ضد
مابتتعبيش مرتاح
ولا تاخدي علي خاطرك
غير م اللي كله جراح
بتلوني توبه ..
بالطينه والعفره
لكن خلي البال
بتبرفنيه ..مطره
وتدلدقي ف جوفه
فدادين عصير تفاح
وإن لمسك الفاضي
بتشدي ديل تُوبك
تطفي شموعه
لو اشتكي أو ناح
يا دنيا دنية ضد
علي سكة القادر
بتمد إيدك ..مد
وبتقطعي جسورك
عن اللي حيله اتهد
أحسن همومه تطولك
وضحكتك ..تنزاح
زينب أبو الفتوح
السويس
ليست هناك تعليقات:
إرسال تعليق